Самуилова Тврдина

Најстариот историски податок за Охридската тврдина е од III век пр. н.е. (209 година) каде што се спомнува како тврдина на градот Лихнид.Ја споменува античкиот историчар Ливиј, додека најстариот поопширен опис за тврдината датира од 478 година од хроничарот Малк (Малала), кој ја опишува како силно утврдување кое не можел да го освои остроготскиот крал Теодорих.

Охридската тврдина е еден од најголемите средновековни градови на територијата на Република Македонија. Со своите утврдувања и ѕидини го зафаќа целиот охридски рид. Од сите страни, со исклучок на јужната, која е свртена кон езерото, ритчестиот дел на градот бил заштитен со високи ѕидови и кули во должина од три километри, сè до близината на охридското пристаниште. Во стариот дел на градот се влегувало низ три порти, од кои зачувана е само Горна порта.

Население

Население

Според последниот попис од 2002 година, во градот Охрид живеат 42.033 жители, од кои:

• Македонци 37.801 (90,03%)
• Албанци 1.159 (2,75%)
• Роми 69 (0,16%)
• Власи 308 (0,73%)

Нешто повеќе за Охрид

Охрид - стариот град на светлината

Ова не е приказна,

Туку реалност која е вечна и никој досега не успеал да ја раскаже. Веројатно не се ни обидел. Во светот постојат неколку места кои едноставно не се раскажуваат. Пред нивните споменици, остатоци од цивилизацијата и храмови во кои се заборава идентитетот, интелектот ви дозволува само почит и размислување, колку уште овде може да се дознае и да се истражи. Овде во Охрид и најумните и најмудрите и најмоќните низ вековите имале една цел, да остават барем свој белег. Охрид едноставно не се освојувал, бидејќи веднаш станувал седиште на најмоќниот и повторно го живеел своето време каде победникот кој влегувал во градот не јуришал, туку се поклонувал.

Повеќе на www.ohrid.com.mk